Шитӏадам :

шитӏадам, буьллу меттигаш хӏорш йу.

I.

Цхьаннан ма-дарра лер далош.

• Стага кӏанте хаьттира: "Хьо хьенан ву, жима стаг?"
• Нанас йоьӏе элира: "Хьой атта ма хетийталахьа!"
• Девашас кӏанте хаьттира: "Хьо мичахь доьшуш ву?"
• Денанас элира: "Сан кӏентан бераш дика ду".
• Шога орду иза алар тӏехь: "Массарна а шениг".
• Кӏанта дагалоьра: "Ас дешча хӏун дара-те!"

тӏеалар: тӏадам арахь буьллу, кхинаш чохь йохку.

II.

Хьалхарчу декъехь хьахийна хӏуманна йукъадохурш дагардеш.

• Вайга тахана нах баьхкира: кӏанттий, йоӏӏий, дай.
• Нанас вайна йаахӏума ийцира: бепиг а, налха а, жижиг а.
• Йоьӏина лаьа кӏант иштта хилийта: бахаме а, хаза а, лекха а, лела хууш а.
• Делан мухаллаш хӏорш йу: шадерг далуш а, шадерг хууш, дикалла а и. дӏ. кх.
• Сан хьуна дан хьехарш хӏорш ду: дукха йаа а ма йаа, маьттаза а ма лела, къа а хьега.

III.

Цкъа хьалха аьллачух кхидӏа а кхетош.

• Йоӏ догдогӏуш йацара: Нана кхелхина, саготта йара.
• Нана йоьлхуш йара: Цуьнан кӏант тур кхетта, ӏуьллуш вара.
• Да кечам беш вара: Мостагӏий тӏелата кечбеллера.

IV.

Цкъа хьалха аьлларг хӏунда ду кхетош.

• Со цигара йухавеара: и ца веънера.
• Ас ӏаж ца буу: суна и мерза ца хета.
• Цуьнга ас хилларг ца дийцира: цунна дагах кхетар ду и.
• Цуьнан жайна ца дийшира цо: хаза ца хета цунна и.

тӏеалар: шитӏадам дӏа а баьккхина "хӏунда аьлча" дилла а мега:

IV.

Цкъа хьалха аьллачунна кхин а тӏетухуш.

• Цунна хаьара: эца стага шена тешнабехк бийр буй.
• Нана кхийтира: шен берех шена накъостий хир боций.
• Дена гира: шена тешнабехк бан кечвеллий шен накъост.
• Цӏийндена моьттура: шен зуда шен накъост йу.

тӏеалар: мотта, хета, ган, кхета, хаа и. дӏ. кх. дешнашна тӏехьа буьллу.

V.

Дакъош гойтуш.

• 4:3 (шиъ кхоъ) туьйлира вайнаш.
• Стаггий, зудий дакъош вайн махкахь 1:2 (цхьанний шиъ) ду.

VI.

Декъаран махк.

• 12 : 4 = 3
• 18 : 3 = 6
• 81 : 9 = 9

VII.

Хан йуьллуш.

• 12:40 даьлча 13:40 даллалц.
• 14:40 даьлча дуьйна.
• 15:00 даьлча йиллина хан йу.

VIII.

MAC дуьллуш.

• 8F:45:23:A4:B3:4F
• B3:55:AF:3F:22:01
• 44:FF:33:C3:4F:2C

тӏеалар: шитӏадам биллича аба доккха дилла деза, буьззина алам и белахь йа доккха дилла дезаш дош и делахь. Кхечанхьа аба жима дилла деза.