Мерала Н

Мукъа йиш мерала хилар гойтуш цунна тӏехьа н дуьллу.

I.

Хандешан цхьа дешдакъа бен дацахь, тӏехьа н дилла. Хандош тӏехьа дешдакъош тӏе а кхеташ шорлуш хилахь, н охьадожаде; хьалха тӏе а кхеташ шорлуш хилахь, н дилла.

II.

Мухалдешан цхьа дешдакъа бен дацахь, тӏехьа н дилла. Мухалдош тӏехьа дешдакъош тӏе а кхеташ шорлуш хилахь, н охьадожаде; хьалха тӏе а кхеташ шорлуш хилахь, н дилла.

III.

Хандеша карарчу хенахь диллина цхьа дешдакъа бен дацахь (чеккхенгахь [i̯e] йа [u̯o] долуш), цунах схьадаьлла ардамдаш тӏехьа н дилла. Ардамдош тӏехьа дешдакъош тӏе а кхеташ шорлуш хилахь, н охьадожаде; хьалха тӏе а кхеташ шорлуш хилахь, н дилла.

IV.

Доланиг дожаран чаккхенашкахь: -н, -ан, -ин, -ун, -ен.

Тӏеалар: Йуккъе дакъалг хӏоттарца шорделла дош декъалахь, охьадожийна долу н йуханехьа дуьллуш дац.