Нохчийн маттахь масийтта шалха аба ду. Цхьалханаш (гӏ, кх, хь, хӏ), йуха логанаш (кӏ, къ, пӏ, тӏ, цӏ, чӏ).

I. Цхьатера шиъ ул-уллехь нислахь, хьалхарчун шолгӏа аба ма дилла: ккх, ггӏ, ххь, ххӏ, ккӏ, ккъ, ппӏ, ттӏ, ццӏ, ччӏ.

II. Цхьатера шиъ ул-уллехь нислахь, ткъа цу шин йуккъахь хьаькхна зил белахь, ший а дуьззина дилла: гӏ-гӏ, кх-кх, хь-хь, хӏ-хӏ, кӏ-кӏ, къ-къ, пӏ-пӏ, тӏ-тӏ, цӏ-цӏ и. дӏ. кх.

III. Цхьатера доцу шиъ ул-уллехь нислахь, ший а дуьззина дилла: гӏкх, гӏхь, гӏхӏ, кхгӏ, кххь, кххӏ, хьгӏ, хькх, хьхӏ, хӏгӏ, хӏкх, хӏхь, гӏкӏ, кхпӏ, хькъ, хӏцӏ, кӏгӏ, пӏкх, къхь, цӏхӏ и. дӏ. кх.

IV. Логаниг кхоъ ул-уллехь нислахь, тӏаьххьарниг дуьззина дилла. Хьалхара шиннан, хьалхара аба бен ма дилла: чккъ, тккъ, пккъ, цккъ, чккӏ, тккӏ, пккӏ, цккӏ и. дӏ. кх.